ములుగు, 2024-06-05
ములుగు జిల్లాలో మావోయిస్టులు అమర్చిన ఐఈడీ బాంబును తొక్కి కాలు కోల్పోయిన ఆదివాసి బొగ్గుల కృష్ణ కుటుంబానికి స్థానిక వ్యాపారులు ఆర్థిక సహాయం అందించారు. ప్రభుత్వం నుండి సహాయం అందక ఇబ్బందులు పడుతున్న కుటుంబాన్ని ఆదుకోవడానికి ఈ చొరవ తీసుకున్నారు.
ములుగు జిల్లా వెంకటాపురం మండలంలోని రామచంద్రాపురం గ్రామపంచాయతీ ఇప్పగూడెం గ్రామానికి చెందిన బొగ్గుల కృష్ణ, అటవీ ఉత్పత్తుల కోసం అడవికి వెళ్లి వస్తున్న క్రమంలో మావోయిస్టులు అమర్చిన ఐఈడీ బాంబును తొక్కి తీవ్రంగా గాయపడ్డారు. ఈ ఘటనలో బాధితుని ఎడమ కాలు మోకాలు వరకు తొలగించాల్సి వచ్చింది. భార్యాపిల్లలతో ఉన్న కృష్ణ, గుట్టలపైకి వెళ్లి వెదురు బొంగులు తెచ్చి అల్లికలు చేసి జీవనం సాగిస్తుండేవాడు. ప్రమాదం తర్వాత కుటుంబం పరిస్థితి దుర్భరంగా మారింది.
ప్రభుత్వ సహాయం అందక ఇబ్బందులు
ఈ ఘటన జరిగి రెండు సంవత్సరాలు కావస్తున్నా, ప్రభుత్వం నుండి ఎటువంటి ఆర్థిక సహాయం అందకపోవడంతో ఈ ఆదివాసీ కుటుంబం అనేక ఇబ్బందులకు గురవుతోంది. కృత్రిమ కాలు అమర్చుకుంటే తన పనులు తాను చేసుకునే అవకాశం ఉంటుందని, ఆర్థిక సహాయం కోసం ఎదురుచూస్తున్నాడన్న విషయం తెలుసుకుని వెంకటాపురానికి చెందిన పెర్టిలైజర్ షాప్ యజమానులు వెంకట్, దనపనేని వెంకన్నలు స్పందించారు.
దాతల స్పందన
బాధితుని ఆర్థిక పరిస్థితి తెలుసుకొని సహకరించిన వెంకటాపురం వాస్తులకు స్థానిక ప్రజలు అభినందించారు. అలాగే స్వచ్ఛంద సేవా సంస్థలు మరియు దాతలు ఎవరైనా ఉంటే వారి కుటుంబాన్ని ఆర్థికంగా ఆదుకోవాలని గ్రామస్తులు కోరుచున్నారు.
ఆర్థిక సహాయం అందజేత
ఇద్దరు కలిసి బాధితుడి ఇంటికి వెళ్లి, బొగ్గుల కృష్ణ కుటుంబానికి రూ.12,000 ఆర్థిక సహాయం అందించారు. ఈ కార్యక్రమంలో రామచంద్రపురం ఉపసర్పంచ్ కనీతి శంకర్, బొగ్గుల గోపి, కాంగ్రెస్ నాయకులు రమేష్, చిట్టెం టాకయ్య, వెలిమ ప్రభాకర్ తదితరులు పాల్గొన్నారు.
