Charla, 2026-06-05
చర్ల మండలంలో ప్రజలు ఎదుర్కొంటున్న స్థానిక సమస్యలను వెంటనే పరిష్కరించాలని కోరుతూ సీపీఎం పార్టీ ఆధ్వర్యంలో చర్ల మండల రెవెన్యూ అధికారి ()కి వినతిపత్రం సమర్పించారు. ఆసుపత్రి భవనం, అంబులెన్స్, ఇళ్లు, పింఛన్లు, డ్రైనేజీ పనులు చేపట్టాలని నాయకులు విజ్ఞప్తి చేశారు.
చర్ల మండలంలో ప్రజలు ఎదుర్కొంటున్న స్థానిక సమస్యలను వెంటనే పరిష్కరించాలని కోరుతూ సీపీఎం పార్టీ ఆధ్వర్యంలో చర్ల మండల రెవెన్యూ అధికారి ()కి వినతిపత్రం సమర్పించారు. ఈ సందర్భంగా నాయకులు మాట్లాడుతూ, చర్ల ప్రభుత్వ ఆసుపత్రిలో నిర్మిస్తున్న నూతన భవన నిర్మాణ పనులను త్వరగా పూర్తి చేసి ప్రజలకు అందుబాటులోకి తీసుకురావాలని, అలాగే అత్యవసర పరిస్థితుల్లో ప్రజలకు మెరుగైన వైద్య సేవలు అందించేందుకు ప్రత్యేక అంబులెన్స్ను ఏర్పాటు చేయాలని కోరారు.
అర్హులైన పేదలకు ఇందిరమ్మ ఇళ్లను మంజూరు చేయాలని, అర్హత ఉన్న వారికి కొత్త పింఛన్లు వెంటనే మంజూరు చేయాలని డిమాండ్ చేశారు. అలాగే చర్ల బస్టాండ్ నుంచి సాయిబాబా ప్రాంతం వరకు డ్రైనేజీ పనులు చేపట్టి, రహదారిని పూర్తిస్థాయిలో పునరుద్ధరించాలని కోరారు. డ్రైనేజీ, రోడ్డు సమస్యల కారణంగా ప్రజలు తీవ్ర ఇబ్బందులు పడుతున్నారని, సంబంధిత అధికారులు వెంటనే చర్యలు తీసుకోవాలని విజ్ఞప్తి చేశారు.
ప్రజల సమస్యలను అధికారులు సానుకూలంగా పరిశీలించి, సంబంధిత శాఖలతో సమన్వయం చేసుకుని త్వరితగతిన పరిష్కరించాలని నాయకులు కోరారు. ఈ కార్యక్రమంలో సీపీఎం చర్ల మండల కార్యదర్శి మచ్చా రామారావు, మండల కమిటీ సభ్యులు పొదుపుగంటి సమ్మక్క, బందెల చంటి, నవీన్, వరదల వరలక్ష్మి, రైతు సంఘం చర్ల మండల కార్యదర్శి . మూర్తి, శ్యామల, కాంతయ్య, రైతు సంఘం అధ్యక్షులు శ్యామల, వెంకటేశ్వర్లు తదితరులు పాల్గొన్నారు.
