చర్ల మండలం లో ఆదివాసీ యువ నాయకులు, పూనెం వరప్రసాద్ ఆధ్వర్యంలో ఆదివాసీ హక్కులు, చట్టాలపై అవగాహన కల్పించేందుకు విస్తృత ప్రచారం చేపట్టారు. జూన్ 21న జరగనున్న ప్రత్యేక సమావేశానికి ప్రజలను తరలిరావాలని పిలుపునిచ్చారు.
పూనెం వరప్రసాద్ మాట్లాడుతూ, ప్రతి ఆదివాసీ గ్రామం, గూడెం తరలి వచ్చి తమ చట్టాలపై అవగాహన పెంచుకోవాలని, తద్వారా ఏజెన్సీ ప్రాంతంలో తమ హక్కులను కాపాడుకోవచ్చని వివరించారు. ఈ అవగాహన కార్యక్రమాల ద్వారా యువత, సర్పంచులు చట్టాలపై మరింత అవగాహనతో ఉంటారని తెలిపారు.
జూన్ 21న జరిగే సమావేశం ఆదివాసీల హక్కులు, చట్టాలపై దృష్టి సారిస్తుందని, ప్రతి గూడెం నుంచి, ప్రతి ఇంటి నుంచి ఒక ఉద్యమకారుడు తయారవ్వాలని ఆయన ఆకాంక్షించారు. ఈ సమావేశాన్ని విజయవంతం చేయాలని పిలుపునిచ్చారు.
ఆదివాసీ మహిళలను అక్రమంగా అరెస్ట్ చేయడాన్ని వరప్రసాద్ తీవ్రంగా ఖండించారు. ఏజెన్సీ ప్రాంతంలో ఆదివాసులకు అనేక చట్టాలు ఉన్నప్పటికీ, ప్రభుత్వం వారి పట్ల సవతి ప్రేమ చూపిస్తోందని ఆయన ఆరోపించారు. ఆదివాసుల హక్కులను కాలరాయడాన్ని ఆయన తీవ్రంగా వ్యతిరేకించారు.
ఈ కార్యక్రమంలో ఆర్. కొత్తగూడెం సర్పంచ్ తుర్రం రవి, కలివేరు సర్పంచ్ తెల్లం లక్షణ్, భోధనెల్లి సర్పంచ్ సింగయ్య, కుర్నాపల్లి సర్పంచ్ శ్యామల, తిరుపతి, పేదిపల్లి సర్పంచ్ కణితి రామకృష్ణ, శ్యామల, తరుణ్, పూనెం రవికిరణ్, ఇర్ప అరుణ్, ఇర్ప సాయి, కోరం వేణు, తాటి శ్రీను, ఇర్ప అరుణ్, మడప అనిల్ తదితరులు పాల్గొన్నారు. వీరంతా ఆదివాసీల హక్కుల పరిరక్షణకు తమ మద్దతు తెలిపారు.
