కాశీ స్పోర్ట్స్ బాడ్మింటన్ అకాడమీ (KSBA) ఆధ్వర్యంలో 50 రోజుల పాటు జరిగిన వేసవి ఉచిత షెటిల్ బ్యాడ్మింటన్ శిక్షణ శిబిరం ఈ నెల 12వ తేదీన ముగిసింది. ఈ శిబిరం యువతలో క్రీడా నైపుణ్యాలను, శారీరక దారుఢ్యాన్ని పెంపొందించే లక్ష్యంతో నిర్వహించబడింది.
వేసవి సెలవులను సద్వినియోగం చేసుకుంటూ, అమలాపురం పరిసర ప్రాంతాల విద్యార్థులు ఈ శిబిరంలో చురుగ్గా పాల్గొన్నారు. శిబిరం ముగింపు సందర్భంగా, క్రీడాకారుల కోసం నిర్వహించిన టోర్నమెంట్లో ప్రతిభ కనబరిచిన వారికి మెడల్స్, సర్టిఫికెట్లు అందజేశారు.
ముగింపు వేడుకలకు ఒలింపిక్ అసోసియేషన్ అధ్యక్షులు అల్లాడ శరత్ బాబు, స్పోర్ట్స్ కాశీ బాడ్మింటన్ అకాడమీ అధ్యక్షురాలు రంగమణి విశ్వనాధం, కోనసీమ బాడ్మింటన్ అధ్యక్షులు మెట్ల రమణ బాబు, జిల్లా కోనసీమ బాడ్మింటన్ సెక్రటరీ యాళ్ళ నాగ సతీష్, ఆఫీసర్స్ రిక్రియేషన్ క్లబ్ సెక్రటరీ తిక్కిరెడ్డి శ్రీనివాస్ రావు, యోగా ఇన్స్ట్రక్టర్ ఉష రాణి, KSBA కార్యదర్శి తిక్కిరెడ్డి సురేష్ కుమార్ హాజరయ్యారు.
ముఖ్య అతిథులు, నిర్వాహకులు మాట్లాడుతూ, విద్యార్థుల భాగస్వామ్యం, తల్లిదండ్రుల ప్రోత్సాహం, కోచ్ల శిక్షణ ఈ శిబిరం విజయవంతం కావడానికి దోహదపడ్డాయని తెలిపారు. క్రీడల ద్వారా క్రమశిక్షణ, జట్టు స్ఫూర్తి పెంపొందించడం ముఖ్యమని వారు అభిప్రాయపడ్డారు.
