భద్రాద్రి కొత్తగూడెం: ములకపాడు పీహెచ్‌సీలో డయాలసిస్ సెంటర్ ఏర్పాటు చే…

Charla, 2026-07-31

భద్రాద్రి కొత్తగూడెం జిల్లా దుమ్ముగూడెం మండలం ములకపాడు పీహెచ్‌సీలో డయాలసిస్ సెంటర్ ఏర్పాటు చేయాలని తెలంగాణ వైద్య ఆరోగ్యశాఖ మంత్రి దామోదర రాజనర్సింహకు టీపీసీసీ మీడియా & కమ్యూనికేషన్స్ జిల్లా కన్వీనర్ కనుబుద్ది దేవా వినతి చేశారు. మండలంలో కిడ్నీ వ్యాధిగ్రస్తుల ఇబ్బందులను ఆయన మంత్రి దృష్టికి తీసుకెళ్లారు.

తెలంగాణ రాష్ట్ర వైద్య ఆరోగ్యశాఖ మంత్రి దామోదర రాజనర్సింహను టీపీసీసీ మీడియా & కమ్యూనికేషన్స్ భద్రాద్రి కొత్తగూడెం జిల్లా కన్వీనర్ కనుబుద్ది దేవా మర్యాదపూర్వకంగా కలిశారు.

దుమ్ముగూడెం మండలం ములకపాడు పీహెచ్‌సీలో డయాలసిస్ సెంటర్ ఏర్పాటు చేయాలని మంత్రికి వినతిపత్రం సమర్పించారు. మండలంలో అనేక గ్రామాల్లో ప్రజలు కిడ్నీ వ్యాధులతో ఇబ్బంది పడుతున్నారని, వారానికి మూడు రోజులు భద్రాచలం ప్రభుత్వ ఆసుపత్రికి వెళ్లి డయాలసిస్ చేయించుకోవాల్సి వస్తోందని తెలిపారు. మండల కేంద్రంలో డయాలసిస్ సెంటర్ ఏర్పాటు చేస్తే రోగులకు ఎంతో ఉపయోగకరంగా ఉంటుందని మంత్రికి వివరించారు.