Charla, 2026-08-11
చర్ల మండల కేంద్రంలోని ఆర్టీసీ పెట్రోల్ బంకులో కల్తీ పెట్రోల్, డీజిల్ విక్రయిస్తూ, మోసాలకు పాల్పడుతున్నారని, దీనిపై ఐటీడీఏ పీఓ, జిల్లా కలెక్టర్ న్యాయ విచారణ జరిపించాలని సీపీఐ (ఎంఎల్) న్యూడెమోక్రసీ పార్టీ భద్రాచలం డివిజన్ కార్యదర్శి కామ్రేడ్ ముసలి సతీష్ డిమాండ్ చేశారు. చర్ల మండల కేంద్రంలో జరిగిన ప్రముఖుల సమావేశంలో ఆయన ఈ విషయాలను వెల్లడించారు.
చర్ల మండల కేంద్రంలోని ఆర్టీసీ పెట్రోల్ బంకులో కల్తీ పెట్రోల్, డీజిల్ విక్రయిస్తూ, మోసాలకు పాల్పడుతున్నారని, దీనిపై ఐటీడీఏ పీఓ, జిల్లా కలెక్టర్ న్యాయ విచారణ జరిపించాలని సీపీఐ (ఎంఎల్) న్యూడెమోక్రసీ పార్టీ భద్రాచలం డివిజన్ కార్యదర్శి కామ్రేడ్ ముసలి సతీష్ డిమాండ్ చేశారు. చర్ల మండల కేంద్రంలో జరిగిన ప్రముఖుల సమావేశంలో ఆయన ఈ విషయాలను వెల్లడించారు.
అధికారుల తీరుపై విమర్శలు
ఈ సందర్భంగా ముసలి సతీష్ మాట్లాడుతూ, ఆర్టీసీ భద్రాచలం డివిజన్ మేనేజర్ జంగయ్యను కలిసి కల్తీ పెట్రోల్ విక్రయాల గురించి తెలియజేసినా, పది రోజుల తర్వాత వచ్చి తూతూమంత్రపు తనిఖీలు నిర్వహించి, కల్తీ జరగలేదని తేల్చడం ఏమిటని ప్రశ్నించారు. కల్తీ జరగలేదని తేల్చిన అధికారులు, సదరు బంకులో జరుగుతున్న మోసంపై ఒక్క మాట కూడా మాట్లాడకపోవడం దారుణమని ఆయన అన్నారు.
రైతులు, గిరిజనుల ఆవేదన
ఏజెన్సీ ప్రాంతంలోని రైతులు తమ ట్రాక్టర్లకు డీజిల్ కొట్టించుకోవడానికి డ్రమ్ములతో బంకుకు వెళ్తే, రూ.30,000 నుంచి రూ.40,000 డీజిల్ కొట్టిస్తున్నామని చెప్పి, అమాయక గిరిజనులను మోసం చేస్తూ రూ.5,000, రూ.6,000 డీజిల్ తక్కువగా కొడుతున్నారని తెలిపారు. తక్కువ రావడంతో బంక్ సిబ్బందిని నిలదీయగా, వారు అమాయక గిరిజనులను కొట్టి, వారి వద్ద ఉన్న క్యాన్లలోని డీజిల్ను అండర్గ్రౌండ్ ట్యాంకులో పోసినట్లు ఫోటోలు కూడా ఉన్నాయని ఆయన పేర్కొన్నారు.
గతంలోనూ నీళ్లు కలిసిన పెట్రోల్
గతంలో కూడా ఈ బంకులో డీజిల్, పెట్రోల్లో నీళ్లు వచ్చి, కొన్ని రోజులు అమ్మకాలు నిలిపివేసినట్లు ఆయన గుర్తు చేశారు. నీళ్లు కలిసిన పెట్రోల్ను పీపాల్లో నింపి, బంకు ఆవరణలో పెట్టి, దానిపై బట్ట కప్పి ఉంచారని, అది ఇప్పుడు ఎక్కడ పెట్టారో తెలియడం లేదని అన్నారు. సుమారు 15 రోజుల క్రితం పల్సర్ బైక్లో నీళ్లు రావడం జరగగా, గన్నవరం గ్రామానికి చెందిన యువకులు వచ్చి అడిగితే, తప్పు లేనప్పుడు బండి రిపేర్ ఖర్చులు ఎందుకు ఇచ్చారని ఆయన నిలదీశారు.
అధికారుల నిర్లక్ష్యంపై ఆగ్రహం
ఇంత జరుగుతున్నా రైతులు, బంక్ యజమానులకు చెప్పినా పట్టించుకోని పరిస్థితి ఉందని, మండల రెవెన్యూ తహసిల్దార్కు విషయం తెలియజేసినా కనీసం చూడని పరిస్థితి ఉందని ఆయన ఆవేదన వ్యక్తం చేశారు. అధికారులకు తెలియజేస్తే చూస్తాం, ఎంక్వైరీ చేస్తాం అని చెబుతున్నారే తప్ప, పట్టించుకోని పరిస్థితిలో ఉన్నారని, ఇది చాలా దుర్మార్గమని, ఇది కేవలం కమర్షియల్ వ్యవహారమని ఆయన అన్నారు. అక్షరాస్యత తక్కువగా ఉన్న ఏజెన్సీ ప్రాంత ప్రజలను మోసం చేస్తున్న ఈ బంకుపై తక్షణమే చర్యలు తీసుకోవాల్సిన అవసరం ఎంతైనా ఉందని ఆయన అన్నారు.
